Роўна а 12:00 па раёне пранёсся перазвон. Адначасова
ў кожным Зэльвенскім храме білі ў званы ў памяць аб загінуўшых у гады вайны
земляках.
У гэты час каля брацкай магілы па вуліцы Булак
прайшоў памятны мітынг. Тут сабраліся неабыякавыя зельвенцы, сярод якіх былі
прадстаўнікі раённых грамадскіх аб'яднанняў, раённага Савета ветэранаў і
піянерскай дружыны СШ №3.Сёння ў 52 воінскіх пахаваннях, што размяшчаюцца па
ўсім раёне, спачывае 5555 салдат і мірных жыхароў. Хвілінай маўчання прысутныя
ўспомнілі ўсіх тых, хто аддаў сваё жыццё за мір у нашай краіне.
Пасля старшыня раённага Савета ветэранаў Сяргей
Баган разам з вучаніцай сярэдняй школы №3 правялі збор зямлі з магілы, дзе пахаваныя восем савецкіх
воінаў.
Нагадаем, што ў сакавіку спецыяльную капсулу з
грунтам Зэльвенскага краю адправяць у Мінск - у Храм-помнік у гонар Усіх
Святых.У завяршэнне мерапрыемства ў даніну павагі ўсім удзельнікам вайны да
помніка былі ўскладзены кветкі.