Настройкі
Настройкі шрыфту
PT Sans
Times New Roman
Памер
A
A
A
Міжлітарная адлегласць
Стандартнае
Павялічанае
Вялікае
Колеравая схема
Чорным
па белым
Белым
па чорным
Зэльвенскі
раённы
выканаўчы
камітэт

Навiны рэгiёна

5 студзеня 2019

Дэкрэт №3. Як знайсці працу і праверыць базу дадзеных непрацуючых? Прамая лінія прайшла ў " Гродзенскай праўдзе”

 Тэмай абмеркавання падчас прамой лініі ў рэдакцыі газеты "Гродзенская праўда" стала рэалізацыя палажэнняў Дэкрэта №3 "Аб садзейнічанні занятасці насельніцтва". На пытанні жыхароў вобласці адказалі начальнік упраўлення дзяржаўнай службы занятасці насельніцтва камітэта па працы, занятасці і сацыяльнай абароне аблвыканкама Аляксандр Собаль, намеснік начальніка ўпраўлення Вікторыя Гарачава і начальнік упраўлення жыллёва-камунальнай гаспадаркі аблвыканкама Алена Каспяровіч.

 Хто шукае працу, знойдзе яе

 Куды я магу звярнуцца, каб мне дапамаглі знайсці працу?

      - Вы можаце звярнуцца да дапамогі цэнтра занятасці або звярнуцца ў Камісію па садзейнічанні занятасці насельніцтва. Усю інфармацыю аб працы камісій можна знайсці на сайтах гар-і райвыканкамаў пад рубрыкай "Дэкрэт №3". На паседжанні камісій, акрамя суіскальнікаў працы, запрашаюць і наймальнікаў - зводзяць адных з іншымі. Практыкуюцца выязныя пасяджэнні, напрыклад, на базе сельскага Савета. Аднак зварот у камісію – гэта ўжо крайняя мера.

 Дапамогу ў працаўладкаванні можна перш за ўсё атрымаць у службе занятасці, дзе чалавеку пададуць інфармацыю аб наяўнасці працоўных месцаў, накіраванне на працу. А наймальнік ужо сам вырашае, браць яго на працу ці не, за выключэннем сацыяльна неабароненай катэгорыі людзей. Так, інвалідам, маладым людзям ва ўзросце да 21 года, якія ўпершыню ўладкоўваюцца на працу, людзям перадпенсійнага ўзросту, бацькам са шматдзетных або няпоўных сем'яў і іншым прадугледжаны дадатковыя гарантыі ў сферы садзейнічання занятасці, у прыватнасці, шляхам устанаўлення броні прыёму на працу.

            Калі ёсць незанятая падыходзячая вакансія, такім людзям наймальнік не мае права адмовіць у прыёме на працу за выключэннем выпадкаў, калі чалавек не падыходзіць па медыцынскіх паказаннях або яго кваліфікацыя не адпавядае патрабаванай.

            Я трапіў у спіс не занятых у эканоміцы людзей, але неўзабаве знайшоў працу. Што я павінен рабіць далей?

            - Вы павінны паведаміць у камісію па месцы жыхарства аб тым, што ўжо працуеце, прадставіць пацвярджаючы гэта дакумент. У базе дадзеных вы застанецеся, так як яна фармавалася па дадзеных за трэці квартал мінулага года, але ў спіс плацельшчыкаў жыллёва-камунальных паслуг па поўным кошце, калі з'яўляецеся ўласнікам жылога памяшкання, не трапіце. Камісіі пры фарміраванні такога спісу выключаюць з яго, у тым ліку грамадзян, якія знайшлі працу ў перыяд фарміравання гэтага спісу.

Што маецца на ўвазе пад цяжкай жыццёвай сітуацыяй?

– Адпаведныя рэкамендацыі камісіям былі дадзены з боку Міністэрства працы і сацыяльнай абароны. Вызначаны прыкладны пералік жыццёвых сітуацый, патрапіўшы ў якія, грамадзяне будуць вызваляцца ад платы за жыллёва-камунальныя паслугі па сабекошце. Аднак ён далёка не вычарпальны, камісіі будуць прымаць рашэнне ў кожнай канкрэтнай сітуацыі, зыходзячы з той праблемы, з якой сутыкнуўся чалавек.

            Да прыкладу, калі працаздольны грамадзянін, які ўключаны ў базу дадзеных як непрацуючы, вымушаны даглядаць за хворым сваяком. Як вядома, у адпаведнасці з заканадаўствам догляд можа быць забяспечаны за інвалідам першай групы або старым, якія дасягнулі 80-гадовага ўзросту.

            Аднак бываюць сітуацыі, калі рэальна за хворым чалавекам патрэбен догляд, але аформіць яго нельга. Бывае, чалавек пражывае ў аддаленым месцы, дзе няма працы, а даехаць да той, якую яму прапануюць, не можа: папросту няма штодзённага аўтобуснага паведамлення. Да цяжкай жыццёвай сітуацыі можна аднесці і наяўнасць у чалавека абмежаванняў па медыцынскіх паказаннях, і немагчымасць уладкавацца на прыдатную працу па стане здароўя ў тым рэгіёне, дзе ён пражывае. А такіх выпадкаў даволі шмат. Часам чалавеку група інваліднасці не прысвойваецца, але спектр абмежаванняў настолькі шырокі, што фактычна немагчыма яго працаўладкаваць.

Як я магу ўбачыць сябе ў базе дадзеных непрацуючых?

– Для таго, каб кожны жадаючы мог даведацца, ці ўнесены ён у базу дадзеных працаздольных грамадзян, якія не занятыяу эканоміцы, ўведзена электронная паслуга.  Даступная яна з 1 снежня 2018 года.

            Аднак скарыстацца ёю можна толькі ў дачыненні да сябе. У першую чаргу неабходна атрымаць электронны лічбавы подпіс або унікальны ідэнтыфікатар: Лагін і пароль. Для атрымання электроннага лічбавага подпісу неабходна звярнуцца ў Рэспубліканскідасведніцкі цэнтр, падрабязную інфармацыю можна знайсці па спасылцы https://nces.by/pki/ , і прайсці рэгістрацыю на Адзіным партале электронных паслуг, інфармацыя: https://nces.by/pki/ruc/order/initial-registration-private-person/. Аднак гэтая паслуга платная.

            Бясплатна можна атрымаць унікальны ідэнтыфікатар, звярнуўшыся ў службу «Адно акно". На падставе заявы фарміруецца асабісты Электронны кабінет грамадзяніна і выдаюцца лагін і пароль.

            Другі крок: Аўтарызацыя на партале. Неабходна увайсці ў асабісты кабінет. Аўтарызацыя праходзіць з дапамогай унікальнага ідэнтыфікатара або электроннай лічбавай подпісы.

            Трэці крок:у асабістым кабінеце выбраць паслугу "прадастаўленне звестак аб аднясенні грамадзяніна да не занятых у эканоміцы" і атрымаць адказ.

            Інфармацыю можна атрымаць і ў пастаянна дзеючай камісіі па каардынацыі работы па садзейнічанні занятасці насельніцтва па месцы вашай рэгістрацыі, паведаміўшы свае персанальныя дадзеныя. Можна патэлефанаваць, звярнуцца пісьмова, у тым ліку і на адрас электроннай пошты камісіі.

Як мой сын, які працуе за мяжой, можа пацвердзіць, што ён не беспрацоўны?

            - Ён можа звярнуцца ў Камісію па месцы сваёй рэгістрацыі па пошце, у тым ліку і электроннай, альбо асабіста і даць пасведчанне аб тым, што ён працуе за мяжой. Гэты дакумент абавязкова павінен быць пераведзены на рускую ці беларускую мову і належным чынам завераны. Зрабіць гэта можна як у краіне, дзе ён працуе, так і ў нас. Гэтак жа грамадзяне, якія навучаюцца за мяжой прадастаўляюць даведку з месца вучобы з завераным перакладам.

Кошт пытання

Я не працую, таму і трапіў у спіс не занятых у эканоміцы. Жыву ва ўласнай аднапакаёвай кватэры. Як я цяпер павінен аплачваць жыллёва-камунальныя паслугі?

– З 1 студзеня 2019 года працаздольныя, але не занятыя ў эканоміцы грамадзяне, якія з'яўляюцца ўласнікамі (наймальнікамі) жылля, будуць кампенсаваць паслугі гарачага водазабеспячэння, то ёсць падагрэў вады, па тарыфах, што забяспечваюць поўнае пакрыццё эканамічна абгрунтаваных выдаткаў.

А з 1 кастрычніка 2019 года па такіх жа тарыфах прыйдзецца аплачваць і паслугі газазабеспячэння пры наяўнасці індывідуальных газавых ацяпляльных прыбораў і цеплазабеспячэння. Пры разліку платы за гарачую ваду агульная колькасць цеплавой энергіі, выдаткаванай на падагрэў, будзе дзяліцца на лік зарэгістраваных у кватэры жыхароў.

Непрацуючы грамадзянін заплаціць па эканамічна абгрунтаванаму тарыфу, а астатнія – па субсідаваных. Па такім жа прынцыпе будзе разлічвацца і спажыванне газу. Аплата ацяплення будзе залежаць ад плошчы жылога памяшкання і колькасці зарэгістраваных у ім грамадзян.

?Ці магу я разлічваць на субсідыю, калі цяпер ўваходжу ў лік незанятых людзей?

            – Грамадзянам, уключаным у спісы працаздольных, не занятых у эканоміцы і якія аплачваюць паслугі па тарыфах, што забяспечваюць поўнае пакрыццё эканамічна абгрунтаваных затрат на іх аказанне, з 1 студзеня 2019 года субсідыі прадастаўляцца не будуць. Аднак члены сям'і, якія пражываюць сумесна з ім, валодаюць правам на атрыманне субсідый.

            Жыву з маці, якая і з'яўляецца ўласнікам кватэры. Ці павінны мы цяпер плаціць за падагрэў вады па поўнай, калі я нідзе не працую?

            - Кампенсаваць ЖКП у поўным аб'ёме будуць толькі працаздольныя, але не працуючыя грамадзяне, калі яны з'яўляюцца плацельшчыкамі гэтых паслуг, гэта значыць уласнікі, наймальнікі або арандатары жылога памяшкання. Паколькі плацельшчык ЖКП-ваша маці, вы будзеце аплачваць паслугі па звычайных тарыфах.

            Мой муж пакінуў сям'ю, ён не працуе, а дзе жыве - не ведаю. Аднак ён з'яўляецца ўласнікам жылля. Як я цяпер буду аплачваць камунальныя паслугі, бо я яшчэ і адна выхоўваю дзяцей?

- Калі ў сям'і ёсць дзеці да сямі гадоў, дзеці-інваліды да 18 гадоў альбо сям'я шматдзетная, камісіі выключаць бацьку ці маці з базы дадзеных як не занятых, калі яны туды трапілі. Аднак заканадаўча льгота прадастаўлена не за тое, што ў сям'і ёсць дзіця, а таму што бацькі займаюцца яго выхаваннем.

            Калі ж бацька вашых дзяцей не прымае ўдзелу ў выхаванні дзяцей, не ўтрымлівае іх, камісіі ўлічаць гэта. Аднак ні вы, ні вашы дзеці не павінны ад гэтага пакутаваць. Вам варта звярнуцца туды, абгрунтаваўшы вашу жыццёвую сітуацыю. Калі абодва бацькі жывуць разам з дзецьмі і гадуюць іх, камісіі будуць выключаць са спісу не занятых у эканоміцы грамадзян, аднаго з бацькоў, як правіла, уласніка жылля.

            У мяне дзве кватэры. Як я буду аплачваць камунальныя плацяжы, калі не працую?

- Па эканамічна абгрунтаваным тарыфах вы будзеце аплачваць камунальныя паслугі толькі ў той кватэры, дзе зарэгістраваныя. Калі ў другой вашай кватэры ніхто не зарэгістраваны і не жыве там, то вы за яе і так плаціце па поўнай. Але калі ў ёй жывуць вашы працуючыясваякі, то яны будуць аплачваць ЖКП субсідаванымі тарыфамі.

 

 

            Кватэра ва ўласнасці непрацуючага чалавека, але разам са мной жыве сям'я, пры гэтым жонка і дзеці працуюць. Як тады плаціць за паслугі?

            - У гэтым выпадку аб'ёмы аказваемых паслуг будуць падзеленыя паміж усімі зарэгістраванымі членамі сям'і. Непрацуючы кіраўнік сям'і будзе плаціць  толькі за свой аб'ём паслуг: за падагрэў вады, а неўзабаве і за газазабеспячэнне, ацяпленне.

Напрыклад, на падагрэў вады было выдаткавана 0,9 гігакалорыі, а ў кватэры зарэгістраваныя трое жыхароў. Тады колькасць цяпло-энергіі дзеліцца на тры, і атрымліваецца па 0,3 гігакалорыі на кожнага. Па поўным тарыфе ў жыроўку ўключаць толькі 0,3 гігакалорыі, астатнія 0,6 палічаць па субсідаваным тарыфе.

?У мяне няма свайго жылля, кватэру здымаю. Ці павінен я плаціць за камунальныя паслугі па поўнай, калі трапіў у спісы непрацуючых?

?У мяне няма свайго жылля, кватэру здымаю. Ці павінен я плаціць за камунальныя паслугі па поўнай, калі трапіў у спісы непрацуючых?

            - Калі ўласнік кватэры, якую вы здымаеце, не ўключаны ў спіс не занятых у эканоміцы, то і вы як кватарант аплачваць камунальныя паслугі па поўным кошце не будзеце.

            Калі мой непрацуючы муж не стане своечасова аплачваць сваю долю па стопрацэнтным тарыфе, яго даўгі будуць расці. Як тады гэта адаб'ецца на ўсёй сям'і, бо за сябе і дзяцей я плачу спраўна?

            - Калі ваш муж-уласнік жылля і не плаціць за камунальныя паслугі, да яго будуць прымяняць меры, як і да звычайных неплацельшчыкаў: налічвацца пеня, падавацца вызаў у суд. Калі сваякі аплачваюць усе паслугі, у тым ліку і за не занятага ў эканоміцы грамадзяніна, яны могуць затым у судовым парадку спаганяць з яго гэтыя грошы.