Настройкі
Настройкі шрыфту
Arial
Times New Roman
Памер шрыфту
A
A
A
Міжлітарная адлегласць
Стандартнае
Павялічанае
Вялікае
Колеравая схема
Чорным
па белым
Белым
па чорным
Зэльвенскі раённы выканаўчы камітэт
Галоўная / Навiны / Навіны раёна
30.01.2020

Кантрактная форма найму, аплата працы бюджэтнікаў і парадак разгляду зваротаў грамадзян. Прававы прыём прайшоў у Зэльве

    Першы ў новым годзе правав ы прыём прайшоў з удзелам прававога інспектара працы Гродзенскай абласной арганізацыі Беларускага прафсаюза работнікаў транспарту і камунікацый Дзмітрыя Бязмена, пракурора Зэльвенскага раёна Аляксандра Пяцэвіч а і старшыні раённага аб'яднання прафсаюзаў Ірыны Пузач. Пытанні, з якімі звярнуліся зельвенцы да кампетэнтных асоб, насілі разнапланавы характар: змены працоўнага заканадаўства, справаводства, дарожнае будаўніцтва, транспартны падатак і інш. Да прыкладу, жанчыну пенсійнага ўзросту цікавілі некаторыя моманты ў сферы прымянення кантрактнай формы найму. У прыватнасці, тэрміны і форма паведамлення работніка аб спыненні працоўных адносін, а таксама ўмовы падаўжэння кантракту з пенсіянерам . Дзмітрый Бязмен растлумачыў, што не пазней чым за адзін месяц да заканчэння тэрміну дзеяння кантракта як працаўнік, так і наймальнік абавязаны пісьмова папярэдзіць адзін аднаго аб рашэнні працягнуць або спыніць працоўныя адносіны. Невыкананне наймальнікам дадзенага тэрміну для паведамлення работніка будзе з'яўляцца парушэннем парадку звальнення з працы. Што датычыць другога пытання, Дзмітрый Анатольевіч падкрэсліў, што ў змененым Працоўным кодэксе, які набыў моц 28 студзеня катэгорыя пенсіянераў ніяк не вылучаецца і не ўшчамляецца ў адносінах да больш малады х работніка ў . Ніякіх асаблівасцяў спынення тэрміну дзеяння кантрактаў для пенсіянераў Працоўны кодэкс таксама не ўтрымлівае. Інспектар па кадрах адной з бюджэтных арганізацый раёна папрасіла растлумачыць парадак афармлення дапаўненняў і змяненняў у дзеючыя кантракты, якія неабходна ўнесці ў сувязі са зменамі Працоўнага кодэкса, новай сістэмы аплаты працы работнікаў. Па гэтым пытанні спецыялісты прытрымліваюцца адзінага меркавання - змены і дапаўненні, што ўносяцца ў кантракт, лепш за ўсё афармляць дадатковым пагадненнем. Пры гэтым, дакумент у абавязковым парадку павінен змяшчаць дату падпісання і быць узгодненым з старшынёй прафкама.   У рамках сваёй кампетэнцыі пракурор Аляксандр Пяцэвіч растлумачыў мужчыне, які звярнуўся да яго, парадак разгляду зваротаў грамадзян у структурныя падраздзяленні і падведамныя арганізацыі раёна, а таксама далейшыя дзеянні заяўніка пры незахаванні тэрмінаў адказу. Падчас прыёму былі абмеркаваны і іншыя пытанні, якія не ўваходзяць у кампетэнцыю прадстаўнікоў пракуратуры і прафсаюзаў. Такія як бягучы і капітальны рамонт дарог у райцэнтры, праходжанне дзяржтэхагляду транспартнага сродку, адказнасць кіроўцы за кіраванне аўтамабілем без допуску яго да ўдзелу ў дарожным руху і інш.