Настройкі
Настройкі шрыфту
PT Sans
Times New Roman
Памер
A
A
A
Міжлітарная адлегласць
Стандартнае
Павялічанае
Вялікае
Колеравая схема
Чорным
па белым
Белым
па чорным
Зэльвенскі
раённы
выканаўчы
камітэт

Навіны раёна

19 жніўня 2019

Тэхнічныя інспектары Федэрацыі прафсаюзаў правялі маніторынг па ахове працы ў арганізацыях Зэльвеншчыны

 У раёне працавала шэсць рэйдавых груп, якія вывучылі стан работы па выкананні заканадаўства па ахове працы ў дванаццаці прадпрыемствах і арганізацыях. Тэхнічныя інспектары наведалі сельгаспрадпрыемства «Князева», «Галынка», «Сынкавічы», філіял аблспажыўтаварыства, РЭС, ЦРБ, філіял КУП «Гроднааблпаліва», ДРБУ-118, ДЭУ-54, лясніцтва, яслі-сад №3 і ТАА «ЗельваТурсервис». У ходзе рэйду разглядаліся пытанні забеспячэння здаровых і бяспечных умоў працы, дзейнасць прафсаюзных камітэтаў у гэтым кірунку, выканання калектыўна-дагаворных абавязацельстваў і арганізацыі грамадскага кантролю за выкананнем заканадаўства аб ахове працы. Вынікам працы маштабнага маніторынгу стала пленарнае пасяджэнне з удзелам кіраўнікоў, інжынераў і спецыялістаў па ахове працы і старшыняў прафсаюзных камітэтаў прадпрыемстваў і арганізацый. Адкрываючы пасяджэнне, намеснік старшыні райвыканкама Ніна Галыня падкрэсліла, што пытанні прафілактыкі вытворчага траўматызму пастаянна знаходзяцца на кантролі раённага выканаўчага камітэта, профільных службаў. Самы галоўны вынік такой працы ў тым, што ў раёне ў бягучым годзе не рэгістраваліся выпадкі траўматызму з цяжкім зыходам. У сваю чаргу кіраўнік рэйдавай групы - галоўны тэхнічны інспектар абкама прафсаюзаў аховы здароўя Уладзімір Заблоцкі адзначыў: - Галоўная мэта маніторынгу - аказанне кансультатыўнай і метадычнай дапамогі працоўным калектывам па прафілактыцы траўматызму і ажыццяўленню кантролю за станам аховы працы. У нас склалася добрае ўражанне пра тую працу, якая праводзіцца ў Зэльвенскім раёне ў гэтым кірунку. У ходзе наведвання прадпрыемстваў і арганізацый асабліва прыкметна, што гэтыя пытанні не аддадзены на водкуп толькі профільным спецыялістам, а з'яўляюцца вынікам сумеснай дзейнасці адміністрацый і прафсаюзных камітэтаў. Што дазваляе казаць аб створанай сістэме кіравання пытаннямі аховы працы. З станоўчага боку тэхнічнымі інспектарамі была ацэненая праца раёна электрычных сетак, філіяла Гродзенскага аблспажыўтаварыства і «ЗельваТурСервис». Членаў маніторынгавай групы ўразіла, што на прыватным прадпрыемстве на належным узроўні вырашаюцца пытанні кантролю за станам аховы працы. Даведка аб выніках маніторынгу і выяўленых недахопах накіравана ў адрас кіраўніцтва райвыканкама з тым, каб ліквідаваць заўвагі і працягнуць планамерную працу, у аснове якой ляжыць стварэнне бяспечных умоў працы для жыхароў раёна.